20.03.2020

«Այբ» կրթական հիմնադրամի «Քան» ակադեմիայի հայաստանյան գրասենյակի ուսուցողական նյութերը Ռոստելեկոմի Hybrid Edu ալիքի եթերում և ֆիլմադարանում

Աջակցելով երկրում հեռավար ուսուցման նոր մշակույթի ներդրման գործընթացին` հայտարարում ենք «Այբ» կրթական հիմնադրամի հետ համագործակցության մեկնարկը:
Այսպիսով՝ Ռոստելեկոմի Սմարթ TV նոր՝ Hybrid Edu (ch 121) հեռուստաալիքի եթերում, ինչպես նաև ֆիլմադարանի Սերիալներ բաժնի ուսուցողական հարթակի միջոցով մեր բոլոր բաժանորդներին հասանելի կլինեն «Քան» ակադեմիայի էլեկտրոնային ռեսուրսները: 
«Քան» ակադեմիայի հայաստանյան գրասենյակի մասնագետների մշակած վարժություններն ու դասերը բազմազան բովանդակություն ունեն՝ մաթեմատիկայից մինչ երաժշտություն և արվեստ։

Մասնավորապես՝
1.    Մաթեմատիկա
2.    Արվեստի պատմություն
3.    Երաժշտություն
4.    Վիճակագրություն և հավանականության տեսություն

 

Ի դեպ, բովանդակությունը մեր բաժանորդներին հասանելի կլինի առանց հավելյալ վճարի:

Նախագիծն իրականացվում է «Հիբրիդ Սոլյուշնզ»  ընկերության հետ համատեղ:

 

Արտակարգ դրությունից դեպի արտակարգ ուսուցում  Ռոստելեկոմի հետ