«ՌՈՍՏԵԼԵԿՈՄԸ» ՊԱՐԳԵՎԱՏՐԵՑ ԱԲՈՎՅԱՆ ՔԱՂԱՔՈՒՄ ՇԱԽՄԱՏԻ ԲԼԻՑ ՄՐՑԱՇԱՐԻ ՀԱՂԹՈՂ ՊԱՏԱՆԻՆԵՐԻՆ․ ԱՆԱԿՆԿԱԼՆԵՐԸ ԱԲՈՎՅԱՆ ՔԱՂԱՔԻ ԲՆԱԿԻՉՆԵՐԻ ՀԱՄԱՐ ՇԱՐՈՒՆԱԿՎՈՒՄ ԵՆ

Հոկտեմբերի 15-ին Աբովյան քաղաքի շախմատի դպրոցում անցկացվեց «Ռոստելեկոմի» հետ համատեղ կազմակերպված կայծակնային շախմատի մրցաշարը։ Մասնակեցում էին դպրոցի 55 սաներ և յոթ տուրերի արդյունքներով հաղթող ճանաչվեցին երեք հաջողակները։

Երիտասարդ շախմատիստներին  հայաստանյան «Ռոստելեկոմի» ղեկավար Հայկ Ֆարամազյանը մրցանակներ հանձնեց պաշտոնական պայմաններում՝ ընկերության կողմից կազմակերպված միջոցառման շրջանակներում։

Ընդգծելով շախմատի կարևորությունը ճկուն մտքի և մտածողության ձևավորման գործում՝ ընկերության ղեկավարը մեծ հաջողություններ մաղթեց պատանիներին։

Երեկոյան միջոցառումը անց էր կացվում Աբովյանի մշակույթի տանը։ Հյուրերի թվում էին Աբովյանի քաղաքապետ Վահագն Գևորգյանը, ներկայացուցիչներ քաղաքապետարանից, Ռոստելեկոմի հավատարիմ բաժանորդներն ու հրավիրված քաղաքացիներ։

Երեկոյի ընթացքում՝ պատանի շախմատիստների մրցանակաբաշխությունից հետո, հնչեցին սիրված երգեր Արսեն Գրիգորյանի, Հասմիկ Կարապետյանի և Վարդան Բադալյանի կատարմամբ, ներկայացվեց Ռոստելեկոմի Սմարթ հեռուստատեսությունը, որի միջոցով էլ քիչ անց կազմակերպվեց հյուրերի կողմից ընտրված ֆիլմի դիտում։

ՈՒրախ և անկաշկանդ մթնոլորտում հյուրերը վայելեցին իրենց երեկոյան կինոդիտումը։