ՀԱՍԱՆԵԼԻ ԿՐԹՈՒԹՅՈՒՆ ԲՈԼՈՐԻ ՀԱՄԱՐ. «ՌՈՍՏԵԼԵԿՈՄ»-Ը ԸՆԴԼԱՅՆՈՒՄ Է ՀԵՌԱՎԱՐ ԿՐԹՈՒԹՅԱՆ ՇՐՋԱՆԱԿՆԵՐԸ

 

Գնահատելով կորոնավիրուսի տարածման պատճառով երկրում ստեղծված իրավիճակը և դասերի հեռավար կազմակերպման անհրաժեշտությունը, «Ռոստելեկոմ»-ը նոր քայլեր է ձեռնարկում հեռավար կրթությունը ավելի մատչելի և հասանելի դարձնելու ուղղությամբ:

Ընկերությունը հնարավորություն է ընձեռում ՀՀ բոլոր մալուխային հեռուստատեսության օպերատորներին վերահեռարձակելու Սմարթ հեռուստատեսության միջոցով հեռարձակվող Hybrid Edu (ch121) հեռուստաալիքը:
«Ներկա պայմաններում հաշվի առնելով հեռավար ուսուցման կարևորությունը՝ մենք որոշում ենք կայացրել ՀՀ տարբեր բնակավայրերում գործունեություն ծավալող մեր գործընկերներին հնարավորություն ընձեռել՝ իրենց բաժանորդներին ևս հասանելի դարձնելու ուսուցողական այս հեռուստաալիքը։ Համոզված ենք, որ միայն համատեղ ջանքերով է հնարավոր լուծել բարդ իրավիճակներում առաջացած խնդիրները»,- նշեց «Ռոստելեկոմ» Հայաստանի գլխավոր տնօրեն Հայկ Ֆարամազյանը:

Նախորդ շաբաթ «Ռոստելեկոմ»-ը, համագործակցելով «ՀԻԲՐԻԴ ՍՈԼՅՈՒՇՆԶ» ընկերության հետ, հայտարարել էր (https://www.rtarmenia.am/news/view/rostelecom-education ) ընկերության Սմարթ հեռուստատեսության միջոցով նոր կրթական հեռուստաալիքի (Hybrid Edu (ch121)) հեռարձակման մասին: Hybrid Edu հեռուստաալիքի եթերում հնարավոր է հետևել ՀՀ ԿԳՄՍ նախարարության կողմից պատրաստվող և ՀՀ լավագույն ուսուցիչների կողմից մատուցվող հեռավար դասընթացներին՝ հանրակրթական դպրոցների մի շարք առարկաների վերաբերյալ:

Տեսանյութերը կարելի է դիտել նաև Ֆիլմադարանի Սերիալներ բաժնի ուսուցողական հարթակում՝ ԿԳՄՍ առանձին ենթաբաժիններով:

Նշենք նաև, որ հեռավար կրթությունն ավելի հասանելի դարձնելու նախաձեռնության շրջանակներում «Ռոստելեկոմ»-ի Սմարթ հեռուստատեսության Hybrid Edu կրթական ալիքի եթերում այսուհետ հնարավոր է դիտել «Այբ» կրթական հիմնադրամի «Քան» ակադեմիայի հայաստանյան գրասենյակի ուսուցողական նյութերը: «Քան» ակադեմիայի մասնագետների մշակած վարժություններն ու դասերը ունեն բազմազան բովանդակություն՝ մաթեմատիկայից մինչև արվեստ, վիճակագրության և հավանականության տեսություն: Համագործակցության մասին առավել մանրամասն տեղեկատվություն կարելի գտնել ընկերության պաշտոնական կայքում՝ https://www.rtarmenia.am/news/view/rostelecom-ayb-learning :